Tursti til Toftåsen
Kjekk tur for heile familien på Halsnøy.
Kontaktinformasjon
Om
Familievenleg tur til Toftåsen på Halsnøy. Nær toppen av Toftåsen er det laga ein fin plass, "Åsatinget". Der er det gapahuk, grillhytte, zip-line og ymse apparat for den yngre garde. Det er ein blanding av traktorveg og god tursti. Turen kan gjerast samme veg opp og ned, eller takast som ein rundtur. Det er mange merkte turstiar i området, kart ser du på oppslagstavla. Så her kan ein finna andre fine turalternativ også.
Parkering, start- og sluttpunkt: P-plass/tømmeropplagsplass søraust for Toftåsen. Køyr gjennom rundkøyringa på Tofte mot Sæbøvik. Etter 40 meter ta av på veg opp mot høgre, rett etter opphøgt fotgjengarfelt. Vidare på bein veg mot Toftåsen, ikkje sving til høgre. Følg skilting til parkering ved tømmeropplagsplass.
Merking: Informasjonstavle ved start. Stien er skilta og T-merkt.